ცენტრალურ საარჩევნო კომისიასთან ყოფილი თანამშრომლები აქციას მართავენ. მათ ვენეციის კომისიის წევრებსა და ეუთოს ექსპერტებს წერილის სახით ოფიციალური მიმართვა გადასცეს, სადაც, მათი თქმით აღნიშნულია, რომ ცესკო რაიონულ წარმომადგენლობებში ახალ თანაშრომლებს პარტიული ნიშნით არჩევს.
საარჩევნო კომისიის ყოფილი თანამშრომელი ნენე დალაქიშვილი აცხადებს, რომ საოლქო საარჩევნო კომისიების წევრების ახლად არჩევა კანონის სრული უგულებელყოფით მოხდა.
"ჩვენ, როგორც საარჩევნო ადმინისტრაციის პროფკავშირი, მოვედით რომ მათ გადავცეთ ინფორმაცია, როგორ მოხდა საოლქო საარჩევნო კომისიის წევრების "არჩევა", რომ ეს მოხდა კანონის სრული უგულებელყოფით", - განაცხადა საარჩევნო კომისიის ყოფილმა წევრმა ნენე დალაქიშვილმა.
ცენტრალურ საარჩევნო კომისიაში ცესკოს თავმჯდომარესა და თბილისში ვიზიტად მყოფი ვენეციის კომისიის დელეგაციასთან შეხვედრა უკვე დაიწყო.
