ენერგეტიკის მინისტრის, კახა კალაძის ინფორმაციით, ენგურჰესში წყლის ნაკლებობის გამო, აფხაზეთს ელექტროენერგიის მხოლოდ 2 კვირის მარაგი აქვს.
მისი თქმით, მიმდინარეობს ერთობლივი მუშაობა, რათა ეს პრობლემა მოგვარდეს.
„წყლის ნაკლებობა იყო. რეალურად, წელს არ იყო ისეთი შემოდინება, როგორიც წლების განმავლობაში. არა ორი წლის განმავლობაში, არამედ შემიძლია ვთქვა, რომ ორი კვირის მარაგია ელექტროენერგიის, რომელიც აფხაზეთს მიეწოდება. საშიშროება არის იმის, რომ ვერ შევძლოთ მათთვის ელექტროენერგიის მიწოდება. ეს ინფორმაცია მათთვის მიწოდებული გვაქვს და ერთობლივად ვმუშაობთ, რომ ეს პრობლემა რაიმე გზით მოვაგვაროთ“, - განაცხადა კახა კალაძემ და დასძინა, რომ სხვა მხრივ ენგურჰესს პრობლემა არ აქვს.
განცხადება იმის შესახებ, რომ აფხაზეთს ელექტროენერგია ვერ მიეწოდება, ენგურჰესის ტექნიკურმა დირექტორმა გააკეთა.
