TV MR საქართველოს დამფუძნებელი, ნინო გოგოლაძე, მედიაბაზარზე რეიტინგების დათვლის თაობაზე არსებულ პრეტენზიებს არ იღებს.
როგორც ნინო გოგოლაძე ამბობს, პრეტენზია, რომ ისინი რუსთავი2-ის სასარგებლოდ ადგენენ რეიტინგებს, "სპეკულაცია და ბინძურ პიარია".
გოგოლაძე ბაზარზე შემოსული ახალი მთვლელი კომპანიის შპს ტრი მედია ინტელიჯენსის საქმიანობას ეჭვქვეშ აყენებს და მასსა და ტელეიმედს შორის არსებულ კავშირებზე მიანიშნებს.
„2015 წლის ზაფხულში იმედის დირექტორმა პირადად დარეკა რამდენიმე კომპანიაში თხოვნით, რომ ჩვენი გამზომი შემოდის, მოდით პრეზენტაციაზე და მხარი დაგვიჭირეთო. ასე დაანონსდა ტრი მედიას შემოსვლა ბაზარზე. 2016 წლის იანვრიდან კი ჩვენ ვხედავთ შედეგებს, როდესაც ყველა არხის შედეგები არის უფრო მცირე, იმედის შედეგები კი არის მკვეთრად გაზრდილი,“ - განაცხადა ნინო გოგოლაძემ.
