საქართველო-ირანის გაერთიანებული სავაჭრო-სამრეწველო პალატა მიესალმება ირანის მოქალაქეებისთვის სავიზო რეჟიმის გაუქმებას საქართველოში.
,,ჩვენ მივესალმებით საქართველოს მთავრობის გადაწყვეტილებას ირანელი მოქალაქეებისთვის სავიზო რეჟიმის გაუქმებასთან დაკავშირებით. მივიჩნევთ, რომ სავიზო რეჟიმის გაუქმება დადებითად აისახება ორ ქვეყანას შორის სავაჭრო-ეკონომიკური ურთიერთობების განვითარებაზე. კერძოდ, ხელს შეუწყობს საქართველოში ტურიზმის სფეროს განვითარებას და ირანული ინვესტიციების გაზრდას, თუ გავითვალისწინებთ იმასაც რომ, საერთაშორისო სანქციები ირანს უკვე მოეხსნა“, - ნათქვამია განცხადებაში.
საქართველოს მიერ ირანისთვის დაწესებული სავიზო რეჟიმი 15 თებერვლიდან გაუქმდება.
