კიევის ყოფილი მერის ლეონიდ ჩერნოვეცკის მიერ გამოხხადებული კონკურსი „ბედნიერი საქართველო: იდეები, მეთოდები, განხორციელება!“ დასრულდა.
ლეონიდ ჩერნოვეცკი სოციალურ ქსელში წერს, რომ ძალიან გაიჭირდა კონკურსის გამარჯვებულების შერჩვა.
,,კონკურსის «ბედნიერი საქართველოს» გამარჯვებულის შერჩევა საკმაოდ რთული იყო: ბევრი კარგი იდეა, შემოთავაზება და ინიციატივა მივიღეთ, ბევრი ნამუშევარი დღევანდელ პრობლემებს აღწერს, რომლებიც ერთობლივი ძალებით დაუყოვნებლივ უნდა გადაიჭრას!
მაშ ასე, კონკურსის “ბედნიერი საქართველოს“ გამარჯვებულებად ვაცხადებთ:
1 ადგილი - ნატო გოგმაჩაძე, მისი ნამუშევრის შესყიდვა მოხდება 10 000 ლარად.
მე-2 ადგილი - თეიმურაზ დიასამიძე, მისი ნამუშევრის შესყიდვა მოხდება 5 000 ლარად.
მე-3 ადგილი - გიორგი შუკაკიძე, მისი ნამუშევრის შესყიდვა მოხდება 3 000 ლარად.
ვამაყობ იმით, რომ ჩვენი ქვეყნის მომავალს ერთად ვქმნით!“, - ნათქვამია facebook-ის გამოქვეყნებულ ინფორმაციაში.

კონკურსის დასრულებამდე კი ჩერნოვეცკიმ მოუწოდა მოქალაქეებს, რომ აქტიურად გამოეთქვათ საკუთარი აზრი ბედნიერი საქართველოს აშენების შესახებ.

,,გამოაგზავნეთ თქვენი ნამუშევრები, მე მათ მოუთმენლად ველი! ჩემთვის განსაკუთრებით მნიშვნელოვანია ვიცოდე თქვენი აზრი იმის თაობაზე, თუ როგორ უნდა აშენდეს ახალი საქართველო - ბედნიერი, ეკონომიკურად განვითარებული, სოციალურად დაცული!“ - მოუწოდა მოქალაქეებს ჩერნოვეცკიმ.