"ივანიშვილი-2016 არ არის ივანიშვილი-2012. სამწუხაროდ, ძალიან დიდი განსხვავებაა", - აცხადებს გაზეთ ”რეზონანსთან" ინტერვიუში ექსპერტ გია ხუხაშვილი. ჟურნალისტის კითხვაზე, იმუშავებს თუ არა, ივანიშვილის ბრენდი იმ ძალით ამ არჩევნებზე, როგორც 2012 წელს, ხუხაშვილი პასუხობს, რომ გარკვეულწილად იმუშავებს.
”გარკვეულწილად იმუშავებს, მაგრამ, რა თქმა უნდა, ივანიშვილი-2016 არ არის ივანიშვილი-2012. სამწუხაროდ, ძალიან დიდი განსხვავებაა, მაგრამ როგორც ძალის ცენტრმა ავტორიტეტი შეინარჩუნა. შეიძლება ადამიანებს მის მიმართ აღარ აქვთ დადებითი განწყობა, მაგრამ როგორც ძალის ცენტრს აღიარებენ. პოლიტიკაში კი მთავარი ის კი არ არის, ვის ვინ უყვარს, არამედ ვისკენ არის ძალის ცენტრი, ეს ფაქტორი მოქმედებს და ამას აქვს ხიბლი”, - ამბობს ხუხაშვილი.
