"ჩემი კოლეგის, გოგი თოფაძის განცხადება სულ მცირე, არაკორექტულია, - განაცხადა უმრავლესობის წარმომადგენელმა გია ვოლსკიმ და აღნიშნა, რომ გოგი თოფაძე ვალდებულია ის კონკრეტული თარიღი და კონკრეტული ფრაზეოლოგია მოიყვანოს იმ გამონათქვამების დასადასტურებლად, რაზედაც მან განაცხადა...
”მიხვდით ალბათ რაზე მაქვს საუბარი. წინააღმდგე შემთხვევაში, ბოდიშის მოხდა მოუწევს პრეზიდენტისადმი, ყველა შემთხვევეაში როგორც არ უნდა დამთავრდეს ეს კვლევა -ძიება იყო თუ არა ასეთი გამონათქვამები გამოყენებული, მაინც კორექტულობის გარკვეულ ზღვარს სცილდება ასეთი შეფასებები, არასწორია და დღევანდელ დღეს არ უხდება”, - გა ნაცხადა ვოლსკიმ.
შეგახსენებთ, რომ ფრაქცია „მრეწველების“ ლიდერმა გოგი თოფაძემ საქართველოს პრეზიდენტი გიორგი მარგველაშვილი აკრიტიკებს და აცხადებს, რომ პრეზიდენტმა ქართველი ხალხი დაუნებს შეადარა.
„თქვენ ხართ პირველი კაცი საქართველოში. თქვენი ყველა წინადადება, სიტყვა ანალიზდება და მინდა მოგახსენოთ თქვენი გამოანთქვამები ქართველ ხალხზე, ქართველ ერზე. ქართველი ხალხი თქვენ დაუნებს შეადარეთ, ძალიან სამწუხაროა, თუ თქვენ ასე აფასებთ საქართველოს მოსახლეობას, მაშინ არც პრეზიდენტობა უნდა გეკადრათ საქართველოში“, - განაცხადა გოგი თოფაძემ საგაზაფხულო სესიაზე, სადაც გიორგი მარგველაშვილი ყოველწლიური მოხსენებით წარსდგა.
