"ჩვენ მურუსიძის სასამართლოსთვის არ გვიბრძოლია, ჩვენ არ გვიბრძოლია ისეთი მოსამართლეების სასამართლოსთვის და ისეთი იუსტიციის საბჭოსთვის, რომელიც არის დღეს წარმოდგენილი"-ამის შესახებ განცხადება, თავისუფალი დემოკრატების ფრაქციის თავმჯდომარე პარლამენტში სიტყვით გამოსვლისას გააკეთა.
დოლიძემ საქართველოს პრეზიდენტსა და მთავრობის წევრებს მიმართა და სასამართლოს სისტემაში არსებულ ვითარებაზე ისაუბრა. მისი განცხადებით, დღეს არსებული ვითარება, რომელის სასამართლო სისტემასა და პროკურატურაშია არ შეესაბამება დემოკრატიულ სტანდარტებს. თავისუფალი დემოკრატების ერთ-ერთმა ლიდერმა პრეზიდენტს და მთავრობას სასამართლო სისტემაში რეფორმების გარატების კუთხით პარტიის დახმარებაც შესთავაზა. დოლიძემ პოზიტიური უწოდა იმ ფაქტს, რომ დღეს პრეზიდენტის გამოსვლას საქართველოს პრემიერმინისტრი და მთავრობის წევრები ესწრებოდნენ.
„თქვენ ბევრი ისაუბრეთ ვრცლად და შემოთავაზებებიც გააკეთეთ და ჩვენ შევისწავლით და განვიხილავთ ამას და უფრო მეტიც შეგვიძლია ჩვენი ადამიანური პროფესიული რესურსებიც შემოგთავაზოთ თქვენც და რა თქმა უნდა აღმასრულებელ ხელისუფლებასაც, იმ შემთხვევაში თუკი პოლიტიკური ნება რეალური იქნება ქვეყანაში იმ რეფორმების გატარების თვალსაზრისით, რასაც რეალური მართლმსაჯულება, რეალურად დამოუკიდბელი სასამართლო, რეალურად დამოუკიდბელი პროკურატურა ქვია და არა ის, რომელიც ჩვენ დღეს შემოგვთავაზეს.
"ჩვენ თავისუფალი დემოკრატები ამას მურუსიძის სასამართლოს ვეძახით. გახსოვთ ალბათ წინა ხელისუფლება, უმთავრესი მიზეზი მათი დამარცხების იყო სწორედ ის, რომ ქვეყნაში სუფევდა უსამართლობა და ვინც ამ უსამართლობას ემსახურებოდა და ვისი ხელითაც ხდებოდა ამ უსამართლობის წარმოება ქვეყანაში, მათი დაწინაურება მიმდინარეობს დღეს. მართალი გითხრათ, ჩემთვის წარმოუდგენელია და აუხსნელია თუ რატომ აკეთებთ ამას ყველაფერს. შეიძლება რომ გირგვლიანის საქმის მოსამართლესთან დაკავშირებით რამე კითხვა არსებობდეს? თქვენ აბსოლურუტურად სწორედ იმსჯელეთ ბატონო პრეზიდენტო, როდესაც აღნიშნეთ, რომ ეს უნდა იყოს ფუნდამენტი პირველრიგში ჩვენი სახელმწიფოებრიობის მშენებლობის, ეს უნდა იყოს ფუნდამენტი ჩვენი მომავალი დემოკარტიული განვითარების. რომელ ფუნდამენტზეა საუბარი მურუსიძის სასამართლოს პირობებში მე ნამდვილად არ ვიცი და ვერ წარმომდიგენია. შეიძლება ლამაზი ასოებით კარგი კანონებიც ვწეროთ, მაგრამ პოლიტიკური ნების არ არსებობის შემთხვევაში ამგვარი რეფორმის გატარება, ჩვახედოთ სიმართლეს თვალებში ყველამ კარგად ვიცით წარმოუდგენელია. ჩვენ არ გვიბრძოლია ერთად ბატონო პრეზიდენტო, ისევე როგორც უმრავლესობის წევრებსა და კოლეგებს მივმართავ, ასევე მთავრობის წარმომადგენლებს, ჩვენ ამისათვის არ გვიბრძოლია, ჩვენ მურუსიძის სასამართლოსთვის არ გვიბრძოლია. ჩვენ არ გვიბრძოლია ისეთი მოსამართლეების სასამართლოსთვის და ისეთი იუსტიციის საბჭოსთვის, რომელიც არის დღეს წარმოდგენილი. მათ შორის სერგო თეთრაძის მოსამართლეც კი უზრუნველყოფილია თავისი მომავალი სამსახურით და ასე შემდეგ, არ მინდა გვარების და სახელების ცალკე გამოყოფა. იგივე სიტუაცია და ვითარება გვაქვს დამერწმუნებით პროკურატურაში და ეს ყველაფერი ჩვენ, თავისუფალმა დემოკრატებმა ჩვენს თავზე განვიცადეთ, ძალიან სამწუხაროდ. თავიდანვე ვიცოდით და ვამბობდით , რომ შოთაძე გახდებოდა პროკურორი, ავადსახსენებლი კაბელების საქმის შემდგომ. ისე ყველაფერი კარგი აგიხდეთ, როგორც აგვიხდა ჩვენ ეს, ჩვენ ამისათვის კიდევ ერთხელ არ გვიბრძოლია,“-განაცხადა ვიქტორ დოლიძემ სიტყვით გამოსვლისას.
