საქართველოს პრეზიდენტმა გიორგი მარგველაშვილმა პარლამენტში წლიური მოხსენებით გამოსვლისას ყურადღება გაამახვილა საქართველოს ევრო-ატლანტიკურ მისწრაფებებზე და ქვეყნის საგარეო გამოწვევებზე. გიორგი მარგველაშვილის განცხადებით საქართელოს უსაფრთხოების პრიორიტეტად რჩება ევროატლანტიკური ინტეგრაცია.
როგორც პრეზიდენტმა სიტყვით გამოსვლისას აღნიშნა საქართველოს საერთაშორისო თანამეგობრობასთან ერთად, აგრძელებსაქტიურ ბრძოლას ტერორიზმის წინააღმდეგ. როგორც საერთაშორისო მისიებში ასევე ქვეყნის შიგნით აქტიური პრევენციული პოლიტიკით.
გიორგი მარგველაშვილის განცხადებით მნიშვნელოვანია პროაქტიური საგარეო პოლიტიკის წარმოება და საქართველოს თემატიკისაქტიურად წარმოჩენა მსოფლიო დღის წესრიგში. „ საქართველომ შეძლო სრულად დაეკმაყოფილებინა ევროკავშირთან სავიზო რეჟიმის ლიბერალიზაციისთვის საჭირო ყველა მოთხოვნა. 2016 წელს უნდა შევძლოთ მეტის გაკეთება."-განაცხადა პრეზიდენტმა.
გიორგი მარგველაშვილი სიტყვით გამოსვლისას აღნიშნა, რომ უნდა გააქტიურდეს ორმხრივი ურთიერთობები აშშ-სთან. „გარდა თავისუფალი ვაჭრობის შესახებ მოლაპარაკებაში ახალი იმპულსის გაჩენისა, ჩვენს მთავარ სტრატეგიულ პარტნიორთან ბევრ სხვა სფეროშიც გვაქვს ჯერაც აუთვისებელი რესურსი თანამშრომლობის გაღრმავებისათვის."-აღნიშნა მარგველაშვილმა.
პრეზიდენტი მიიჩნევს რომ მნიშვნელოვანია, მიზნად დავისახოთ ევროკავშირთან ჩვენი ურთიერთობების ახალ საფეხურზე გადასვლა და საქართველოს ევროპული პერსპექტივის განხორციელება. ახალ საფეხურზე გადასვლა ასევე გულისხმობს სამომავლოდ ჩვენიქვეყნის მნიშვნელოვან რეგიონალურ მოთამაშედ ჩამოყალიბებას. „ევროპული საქართველო უნდა იქცეს ჩვენი რეგიონის სტაბილურობისა და კეთილდღეობის პლაცდარმად. დღეს ჩვენი ამოცანაა უმოკლეს პერიოდში გაიხსნას ევროკავშირის საზღვრები საქართველოს მოქალაქეებისათვის."-განაცხადა გიორგი მარგველაშვილმა.
საქართველოს პრეზიდენტი მიიჩნევს რომ საქართველო ევროპული და ევრო-ატლანტიკური თანამეგობრობის განუყოფელი ნაწილია და რომ, საქართველოს გარეშე ევროპული კეთილდღეობა ვერ იქნება უზრუნველყოფილი.
