პარლამენტი პრეზიდენტის დასახვედრად ემზადება. გიორგი მარგეველაშვილი დეპუტატების წინაშე ყოველწლური ანგარიშით წარსდგება. ლარის კრიზისი და ეკონომიკური პრობლემები ქვეყნაში, 2016 წლის არჩევნები, მედია თავისუფლების საკითხები - ეს იქნება ის მთავარი საკითხები, რომელზეც თავის გამოსვლებში საპარლამენტო უმცირესობა ისაუბრებს.
ნაციონალური მოძრაობა გეგმავს რომ დააყენოს გაზპრომთან და ენერგოუსაფრთხოებასთან დაკავშირებული საკითხები.
„ქვეყანა იმყოფება მძიმე, ეკონომიკურ, პოლიტიკურ და ინსტიტუციურ კრიზისში და სწორედ ეს საკითხები იქნება ჩვენს მიერ წამოწეული. აუცილებლად დაიდოს გეგმა, თუ როგორ უნდა გამოვიდეთ ამ მძიმე ეკონომიკური მდგომარეობიდან, როგორ დავასტაბილუროთ ლარი, როგორ გადავლახოთ არაფორმალური მმართველობა. აუცილებლად წამოიწევს გაზპრომის საკითხი. ასევე კორუფციის საკითხები, რომელიც უკვე სისტემურია და საქართველოს მთავრობა ჩაფლულია ამ კორუფციაში,“ - განაცხადა სერგო რატიანმა.
