ბატონი ელისაშვილის პოლიტიკური დღის წესრიგი ძალიან ნათელია, პირდაპირ მას უნდა სიაში მოხვედრა ეტყობა „თავისუფალ დემოკრატებთან“, - განაცხადა საპარლამენტო უმრავლესობის წევრმა, ვიცე-სპიკერმა მანანა კობახიძემ და აღნიშნა, რომ საკრებულოს დამოუკიდებელ დეპუტატს, ალეკო ელისაშვილს საარჩევნოდ საპარლამენტო სიაში უნდა მოხვედრა და მისი „თავისუფალ დემოკრატებთან“ შეხვედრაც ამ მიზანს ემსახურება.
„არასერიოზულია მისი ქმედებები, როცა პოლიტპატიმრებმა ადამიანის უფლებათა დაცვის კომიტეტის სხდომაზე ოფიციალურად მოიწვიეს, მან უარი თქვა, ახლა როცა „თავისუფალმა დემოკრატებმა“ მოიწვიეს, მოვიდა. ჩემთანაც მოვიდეს, მეც რომ შემხვდეს არ უნდა?! რამე კითხვა არ აქვს ჩემთან?! არ აინტერესებს არაფერი?! მაგრამ მას „თავისუფალ დემოკრატებთან“ როგორც ჩანს პოლიტიკური მიზნები აერთიანებს, ბატონი ელისაშვილის პოლიტიკური დღის წესრიგი ძალიან ნათელია, პირდაპირ მას უნდა სიაში მოხვედრა ეტყობა „თავისუფალ დემოკრატებთან“ ან შეიძლება „ნაციონალურ მოძრაობასთან“, ან სხვასთან...
ამ კაცმა ეს სამარცხვინო კამპანია წამოიწყო ერთადერთი მიზნით, რომ სადღაც ამ შენობაში ადგილი დაიმკვიდროს, სხვა გზებითაც შეიძლება ამ დარბაზში შემოსვლა, არა ასეთი პროვოკაციებით და ტალახის სროლით და სამარცხვინო კამპანიით. იმედი მაქვს, ამ ბაკხანალიას დაასრულებს პროკურატურა, იმედი მაქვს რაღაც დასკვნას დადებს და ცილისმწამებლებს ამ ქვეყანაში პასუხი გაეცემა“,- აღნიშნა მანანა კობახიძემ ჟურნალისტებთან საუბრისას.
ალეკო ელისაშვილი პარლამენტში „თავისუფალი დემოკრატების“ წევრებს შეხვდა
