საქართველოს პრეზიდენტს საბერძნეთის რესპუბლიკის საგანგებო და სრულუფლებიანმა ელჩმა საქართველოში გეორგიოს ხაძიმიხელაკისმა რწმუნებათა სიგელები გადასცა.
ცერემონიის დასრულების შემდეგ გაცნობითი ხასიათის შეხვედრა გაიმართა. შეხვედრისას საუბარი შეეხო საქართველოსა და საბერძნეთის ურთიერთობას. მხარეებმა ქვეყნებს შორის თანამშრომლობის სამომავლო გეგმები და პარტნიორობის საკითხები განიხილეს. საქართველოს პრეზიდენტმა გეორგიოს ხაძიმიხელაკისს მომავალ საქმიანობაში წარმატება უსურვა.
