რამდენიმე წუთის წინ ვითარება დაიძაბა გარდაბნის #2 საარჩევნო უბანზე. როგორც „ნაციონალურ მოძრაობაში“ აცხადებენ, მათ მხარდამჭერებს სწორედ ის ჯგუფი დაუპირისპირდა, რომელიც მთელი დღის განმავლობაში საარჩევნო უბნების მიმდებარე ტერიტორიაზე პროვოკაციების მოწყობას ცდილობდნენ.
„შელაპარაკების დროს ადგილი ჰქონდა ფიზიკურ შეურაცხყოფას და ქვების სროლას. შელაპარაკებაში მონაწილეობას იღებდა პირი, რომელიც თან იარაღს ატარებდა, თუმცა ის სამოქალაქო ფორმაში იყო და ვინაობის გამხელა არ ისურვა. აღნიშნული პირი ადგილიდან სამართალდამცავებმა გაიყვანეს“, - ნათქცვამია პარტიის მიერ გავრცებულ ინფორმაციაში.
„ნაციონალურ მოძრაობაში“ აცხადებენ,, რომ სამართალდამცავების ადგილზე ყოფნის მიუხედავად, მათ შექმნილი მდგომარეობის გასანეიტრალებლად არაფერი გაუკეთებიათ.
„ქართული ოცნების“ მხრიდან მსგავსი პროვოკაცია მიუთითებს იმაზე, რომ ცდილობენ საარჩევნო პროცესების შეფერხებას“, - აცხადებს „ნაციონალურ მოძრაობა“.
