ცესკო-ს სპიკერის ანა მიქელაძის ინფორმაციით, 17:00 საათის მდგომარეობით, გარდაბნის მუნიციპალიტეტში ამომრჩეველთა აქტივობამ 26,2 % შეადგინა. საინფორმაციო ბრიფინგზე მან განაცხადა, რომ მუნიციპალიტეტში სულ რეგისტრირებული 71847 ამომრჩეველი და არჩევნებში მონაწილეობა მიიღო 18813 პირმა.
მისვე თქმით, საარჩევნო პროცესი მიმდინარეობს მშვიდ გარემოში და დღის განმავლობაში მხოლოდ პროცედურული სახის ხარვეზები დაფიქსირდა.
,,ამ დროისთვის უბნებზე დაწერილია 18 საჩივარი, ხოლო ერთი საჩივარი შესულია საოლქო საარჩევნო კომისიაში, რომელიც ასევე ეხება პროცედურულ დარღვევას", - აღნიშნა მიქელაძემ.
მომდევნო საინფორმაციო ბრიფინგი ცესკო-ში 20.30 საათზე გაიმართება.
