ჩემი მიზანია ისეთი ფიგურების გათავისუფლება როგორებიც არიან სავჩენკო და გიგი უგულავა, - განაცხადა ევროსაბჭოს საპარლამენტო ასამბლეის ახალმა პრეზიდენტმა, პედრო აგრამუნტიმ ასამბლეაში სიტყვით გამოსვლისას.
„ჩვენი მიზანია ისეთი პატიმრების გათავისუფლება, როგორებიც არიან უკრაინელი ნადეჟდა სავჩენკო და საქართველოში გიგი უგულავა. ასევე, ჩვენი მიზანია ადამიანის უფლებებისა და სიტყვის თავისუფლების დაცვა. ეს არის პრიორიტეტი, რომლის მოსაგვარებლადაც ჩვენ მოლაპარაკებები უნდა გავმართო ამ ქვეყნების წარმომადგენლებთან“,-აღნიშნა აგრამუნტიმ და აღნიშნა, რომ ევროპის საბჭომ უნდა გააგრძელოს ევროპული ფასეულობების დაცვა.
”გახლეჩილი ევროპა ვერასდროს გახდება გლობალური პროცესების მონაწილე და ვერ იქნება ნდობით აღჭურვილი. შერიგება ევროპულ სახელმწიფოებს შორის 80-იან წლებში დაიწყო, თუმცა ამას მოჰყვა ომი საქართველოში, ყირიმის ოკუპაცია, ამის შემდეგ რუსეთმა სეპარატისტებს დაუჭირა მხარი აღმოსავლეთ უკრაინაში, სადაც შეშფოთებას იწვევს იქ არსებული ფეთქებადსაშიში ვითარება. სეპარატისტების მიერ კონტროლირებადი ტერიტორიები დღემდე რჩება იმ ადგილებად, სადაც ადამიანის უფლებები ირღვევა. ჩვენ უნდა მივაქციოთ ყურადღება გაყინულ კონფლიქტებს. ეს არის მოლდოვაში დნესტრიპირეთი, საქართველოში აფხაზეთი და ოსეთი, აზერბაიჯანსა და სომხეთში მთიანი ყარაბაღი. ეს კონფლიქტები საშიშროებას წარმოადგენს ევროპის უსაფრთხოებისათვის“,-აღნიშნა ევროსაბჭოს საპარლამენტო ასამბლეის ახალმა პრეზიდენტმა.
