„ერთიანი ნაციონალური მოძრაობის“ წარმომადგენელ გიგა ბოკერიას განცხადებით, ივანიშვილისა და მისი მარიონეტების მავნებლობით, რუსეთისადმი მაამებლობითა და არაკომპეტენტურობით, ჩვენი ქვეყნის ეროვნული ინტერესები ყოველდღიურად ზიანდება.
„გაზპრომთან დაკავშირებით იმდენი სისულელე ითქვა, რომ ერთ-ერთს ვერ გამოვყოფ. ჯამში უნდა ითქვას, რომ ივანიშვილისა და მისი მარიონეტების მავნებლობით, რუსეთისადმი მაამებლობითა და არაკომპეტენტურობით, ჩვენი ქვეყნის ეროვნული ინტერესები ყოველდღიურად ზიანდება. ეს კი გრძელვადიანი ზიანი იქნება”, - განაცხადა გიგა ბოკერიამ.
ბოკერიას განცხადებით, მიმდინარე პროცესი საქართველოს მთავარ პოლიტიკურ მტერთან უფრო სუსტ მდგომარეობაში ვარდება.
„ მომგებიან ხელშეკრულებას არამომგებიანად ვაკეთებთ. ანუ, ჩვენ მიგვაჩნია, რომ როცა ეკონომიკურ კეთილდღეობას ეხება საქმე მტერთანაც უნდა ილაპრაკო, მაგრამ ამ შემთხვევაში ქვეყნის ინტერესები დაცული უნდა იყოს, ხალხს პირობები უნდა გაუუმჯობესდეს და არ მოხდეს პირიქით - დააბრუნო 90-იან წლებში. ჩვენ ამას წინ აღვუდგებით და 9 თვეში სახლში გავუშვებთ მთავრობას“, - განაცხადა ბოკერიამ.
