საქართველოს ყოფილი პრემიერ-მინისტრი და მმართველი კოალიციის არაფორმალური ლიდერი ბიძინა ივანიშვილი „ქართილი ოცნების“ საპარლამენტო სიაზე მუშაობას აგრძელებს.
როგორც „ჯი-ეიჩ-ენისთვის“ გახდა ცნობილი, ივანიშვილის გადაწყვეტილებით, მომავალ საპარლამენტო სიაში პარლამენტის უხუცესი წევრი - 79 წლის, ივანე კიღურაძე არ იქნება.
ფრაქცია „ქართული ოცნების“ წევრი. განათლების, მეცნიერების და კულტურის კომიტეტის თავმჯდომარე ივანე კიღურაძე, რომელიც მსოფლიოში აღიარებული მათემატიკოსია, ივანიშვილს აღარ მოსწონს.
ივანიშვილს მისმა გარემოცვამ არაერთხელ მიანიშნა, რომ კიღურაძე პერიოდულად არასასურველ კომენტარებს აკეთებს, პარტიულ დისციპლინას არ ემორჩილება და რამდენიმეჯერ დახურული შეხვედრების დეტალები გაასაჯაროვა.
როგორც ცნობილია, ივანიშვილი აპირებს მომავალი საპარლამენტო სიის ფორმირება თებერვლის ბოლოს დაასრულოს.
