საქართველოს მოქალაქეები საფრანგეთის საელჩოში ტურისტულ ვიზებს ორი დღე-ღამის განმავლობაში მიიღებენ.
სავიზო განაცხადის განხილვის და მათი გაცემის პროცედურის ვადების შემცირების შესახებ საფრანგეთის საგარეო საქმეთა მინისტრმა ლორან ფაბიუსმა განაცხადა. ასეთივე გადაწყვეტილება ცოტა ხნის წინ პარიზმა ჩინეთთან დაკავშირებითაც მიიღო. იქ ვიზების განხილვის პროცედურა 1 დღე-ღამემდე შემცირდა.
საქართველოს გარდა, ტურისტულ ვიზებს 48 საათის განმავლობაში სომხეთის, თურქეთის, ვიეტნამის და ინდონეზიის მოქალაქეებიც მიიღებენ.
გადაწყვეტილება საფრანგეთმა ქვეყანაში ტურიზმის განვითარების გამო მიიღო, თუმცა ჯერჯერობით უცნობია, როდის შევა ის ძალაში.
