საქართველოს საგარეო საქმეთა სამინისტრო ამ დროისათვის არ ფლობს ინფორმაციას, არიან თუ არა დაშავებული საქართველოს მოქალაქეები სტამბულში მომხდარი აფეთქების შედეგად.
როგორც საგარეო უწყებაში განმარტავენ, საკონსულო ინტენსიურად მუშაობს მომხდარის თაობაზე უფრო მეტი ინფორმაციის მიღების მიზნით.
სტამბულში, ცოტა ხნის წინ აფეთქება მოხდა. შედეგად რამდენიმე ადამიანი დაშავდა. ზუსტი ინფორმაცია ამ დროისთვის უცნობია. შემთხვევა სტამბოლის ისტორიულ და ტურისტულ უბანში, სულთანაჰმედში, ლურჯი მეჩეთის სიახლოვეს მოხდა. ადგილზე მობილიზებულია სასწრაფო და პოლიცია.
