საქართველოს ელჩი თურქეთში ირაკლი კოპლატაძე გავრცელებულ ინფორმაციას, რომ თურქეთი საქართველოსთან სავიზო რეჟიმს შემოიღებს, არ ადასტურებს.
"თურქეთ-ევროკავშირს შორის ახლა იწყება დიალოგი ვიზალიბერალიზაციასთან დაკავშირებით. როგორც ჩანს, ამ მოვლენას უკავშირდება ის დეზინფორმაცია, რომ თითქოს ზაფხულიდან შემოღებულიყო სავიზო რეჟიმი და ქვეყნების ჩამონათვალში საქართველოც იყო, მათ შორის. მოლაპარაკების პერიოდში თითქოსდა ცალკეულ ქვეყნებში უნდა იყოს შემოღებული სავიზო რეჟიმი, ამას თურქეთის საგარეო საქმეთა სამინისტრო არ ადასტურებს", - ამბობს კოპლატაძე.
რაც შეეხება საგარეო საქმეთა მინისტრს, მიხეილ ჯანელიძე ვერ ხედავს გარემოებას, რის გამოც თურქეთმა საქართველოსთან შესაძლოა უვიზო რეჟიმი შეცვალოს.
"ჩვენ ვერ ვხედავთ რაიმე საჭიროებას ამისათვის ან ისეთ გარემოებას, რამაც შეიძლება შეცვალოს ორ ქვეყანას შორის უვიზო რეჟიმი ამ ეტაპზე", - განაცხადა მიხეილ ჯანელიძემ მთავრობის დღევანდელი სხდომის დაწყებამდე.
