პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაური და მისი პირველი მოადგილე ნოდარ ებანოიძე საფინანსო ზედამხედველობის სააგენტოს თავმჯდომარეს, კონსტანტინე სულამანიძესა და საბჭოს თავმჯდომარეს, ირაკლი კოვზანაძეს შეხდვნენ.
როგორც ჟურნალისტებს მეჭიაურმა განუცხადა, საფინანსო ზედამხედველობის საბჭოს წევრებს ხელფასი ამ დრომდე არ აუღიათ.
„ისინი მოსული იყვნენ იმასთან დაკავშირებით, რომ ისინი დღემდე ხელფასს არ იღებენ. მათ პარლამენტის თავმჯდომარის სახელზე განცხადება ჰქონდათ შემოტანილი, რომ მან მათ სარგოს ის ოდენობა განუსაზღვროს, რომელიც აღნიშნული კანონის მიხედვით ეკუთვნით“, - აცხადებს მეჭიაური.
დეპუტატი ვერ აკონკრეტებს, საბჭოს წევრებმა უკვე თუ რა სამუშაო გასწიეს.
„ფაქტიურად, სააგენტოს მუშაობა დაწყებულია. მან საკონსტიტუციო სასამართლოს გადაწყვეტილებასთან დაკავშირებით, მუშაობა რაღაც ნაწილში შეაჩერა. რაც შეეხება მათ მიერ გაწესულ სამუშაოებს, ამ საკითხებზე მათ მოკითხეთ“, - დასძინა მეჭიაურმა.
