უკრაინის ყოფილი მერის, ლეონიდ ჩერნოვეცკის მიერ დაფუძნებულ პარტიაში - „ბედნიერი საქართველოსთვის“ შესაძლოა, მმართველი გუნდის წარმომადგენლებიც გაწევრიანდნენ.
როგორც „ჯი-ეიჩ-ენ“-ს პოლიტიკურ კულუარებში განუცხადეს, უმრავლესობის წევრი, ხელვაჩაურის მაჟორიტარი დეპუტატი როსტომ ხალვაში შესაძლოა, „ბედნიერი საქართველოსთვის“ წევრი გახდეს.
წყაროს ცნობით, აღნიშნულ პარტიაში გაწევრიანების სურვილი აჭარის დეპუტაციიდან სხვებმაც გამოთქვეს, თუმცა, ისინი გაზაფხულზე, საარჩევნო კამპანიის დაწყებას და უმრავლესობაში საკუთარი ადგილის განსაზღვრას ელოდებიან.
აღნიშნული პარტიის წევრი პარლამენტის ვიცე-სპიკერი მურმან დუმბაძე უკვე გახდა, რომელიც აღნიშნული პოსტიდან უმრავლესობის მოთხოვნის მიუხედავად, აჭარის მაჟორიტარმა დეპუტატებმა - ფატი ხალვაშმა, ანზორ ბოლქვაძემ, იაშა შერვაშიძემ და როსტომ ხალვაშმა არ გადააყენეს და ის დღემდე, ვიცე-სპიკერის თანამდებობას ინარჩუნებს.
შეგახსენებთ, რომ ლეონიდ ჩერნოვეცკმა პარტია დეკემბრის დასაწყისში დაარსა და ის 2016 წლის საპარლამენტო არჩევნებში მონაწილეობას გეგმავს.
