„შეგრძნება მაქვს, რომ ჩვენ გლადიატორები ვართ, რომელსაც თანამოქალაქეები ტელევიზიების საშუალებით გვიყურებენ“, - ამის შესახებ პრემიერ-მინისტრობის კანდიდატმა, გიორგი კვირიკაშვილმა განაცხადა, რომელიც ვიცე-სპიკერ გიორგი ბარამიძის კითხვას გამოეხმაურა - დასრულდება თუ არა სიძულვილის ენა საქართველოში.
კვირიკაშვილის თქმით, ქვეყანა იმ ეტაპზე მოვიდა, რომ საზოგადოება დამშვიდდეს და პოლიტიაზაცია შემცირდეს.
„პოლიტიკოსები ვიქეცით ერთი დიდ სპექტაკლის მონაწილედ და მაქვს შეგრძნება, რომ ჩვენ გლადიატორები ვართ, რომელსაც თანამოქალაქეები გვიყურებენ. მემკვიდრეობა მარტივი არ იყო და შორს ვარ იმ აზრისგან, რომ მხოლოდ უარყოფითი იყო, დადებითიც იყო, მაგრამ 2007 წლიდან ძალიან მძიმე 5 წელი გავიარეთ და ამაზე საუბარი აღარ მინდა“, - დასძინა კვირიკაშვილმა.
