გიორგი კვირიკაშვილი და კობა სუბელიანი ერთმანეთს სიტყვიერად დაუპირისპირდნენ. პრემიერ-მინისტრობის კანდიდატსა და საპარლამენტო უმცირესობის დეპუტატს შორის შელაპარაკება მოხდა. ისინი ერთმანეთს ბარბარე რაფალიანცის გარდაცვალების საქმესთან დაკავშირებით ეკამათნენ. კვირიკაშვილს სუბელიანმა ამ საქმისადმი დამოკიდებულება დაუწუნა და საკითხთან არასერიოზულ მიდგომაში დაადანაშაულა. პრემიერ-მინისტრობის კანდიდატმა ბარბარე რაფალიანცის გარდაცვალებასთან დაკავშირებით უმრავლესობასთან შეხვედრაზეც ისაუბრა, სადაც ომარ ნიშნიანიძემ აღნიშნა, რომ ნაციონალური მოძრაობის მმართველობის დროს ეს საქმე ცხელ კვალზე უნდა გამოძიებულიყო, რისთვისაც მათ თვენახევარი ჰქონდათ.
