გამოუცხადებს თუ არა პარლამენტი ნდობას ახალ პრემიერსა და მის გუნდს, დღეს გახდება ცნობილი. პლენალურ სხდომაზე დეპუტატებმა საკითხს კენჭი უნდა უყარონ. მანანმდე კი ტრიბუნას მინისტრობის კანდიდატები დაიკავებენ და კანონმდებლებს საკუთარ პროგრამას გააცნობენ. მთავრობის დასამტკიცებლად საჭირო პროცედურები ბიუროს გუშინდელ სხდომაზე დავით უსუფაშვილმა განმარტა. პარლამენტის თავმჯდომარე ამბობს რომ, მთავრობის ახალ შემადგენლობას ნდობას უცხადებს საპარლამენტო უმრავლესობა. რაც შეეხება უმცირესობას და ოპოზიციურ ფრაქცია "თავისუფალ დემოკრატებს", ისინი მინისტრთა ახალ კაბინეტს მხარს არ დაუჭერენ.
