ინფორმაციის თავისუფლების განვითარების ინსტიტუტის (IDFI) ინფორმაციით, საქართველოს ყველაზე დიდი თანხა უთანხა 392 260 000 აშშ დოლარი უსასყიდლოდ 2008 წელს გადმოეცა.
,,ფინანსთა სამინისტროს მიერ მოწოდებული დოკუმენტაციის მიხედვით 1995-2015 წლებში საქართველოსთვის სხვადასხვა ქვეყნებისა და ორგანიზაციების მიერ გაცემული გრანტების საერთო ოდენობა შეადგენს 2 071 470 000 აშშ დოლარს. აღნიშნული თანხიდან, საქართველოს ყველაზე დიდი თანხა უსასყიდლოდ გადმოეცა 2008 წელს - 392 260 000 აშშ დოლარი. მიღებული გრანტების სიდიდის თვალსაზრისით გამორჩეულია აგრეთვე 2010 წელი - 272 870 000 აშშ დოლარი. 2014 წელს საქართველოსთვის უსასყიდლოდ გაწეულმა ფინანსურმა დახმარებამ 182 140 000 აშშ დოლარი, ხოლო 2015 წელს 31 ნოემბრის მდგომარეობით საქართველოსთვის გამოყოფილმა უსასყიდლო ფინანსურმა დახმარებამ 129 500 000 აშშ დოლარი შეადგინა.
საქართველოს დამოუკიდებლობის მიღების შემდგომ უსასყიდლოდ მნიშვნელოვან ფინანსურ დახმარებას უწევენ ამერიკის შეერთებული შტატები, სხვადასხვა ევროპული ქვეყნები თუ გაერთიანებები. მხოლოდ შეერთებულმა შტატებმა და ევროკავშირმა საქართველოსთვის ერთობლივად გამოყვეს მილიარდ ნახევრამდე აშშ დოლარის უსასყიდლო ფინანსური დახმარება და ეს იმის ფონზე, როდესაც ფინანსურ დახმარებასთან ერთად საქართველოს სტრატეგიულმა პარტნიორებმა ასევე გაგვიწიეს სხვა მნიშვნელოვანი დახმარებაც (შეღავათიანი კრედიტები, მატერიალურ-ტექნიკური დახმარება, დააფინანსეს თავდაცვის, უსაფრთხოების, განათლების თუ კულტურის მხარდაჭერის პროგრამები და სხვა). ნიშანდობლივია აგრეთვე ის ფაქტიც, რომ მიღებული მონაცემების მიხედვით1995 წლიდან რუსეთის ფედერაციას საქართველოსთვის უსასყიდლოდ არანაირი სახის ფინანსური დახმარება არ გაუწევია“, - აცხადებენ ინფორმაციის თავისუფლების განვითარების ინსტიტუტში.