პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელიას განცხადებით,
პრემიერ-მინისტრობის კანდიდატმა გიორგი კვირიკაშვილმა მთავრობის ახალ შემადგენლობაზე ჩამოსაყალიბებლად ორი დღე ითხოვა.
მისი ინფორმაციით, რამდენიმე ცვლილება მინისტრთა კაბინეტში კიდევ იგეგმება.
"გარკვეული ცვლილებები იქნება, თუმცა არა მასშტაბური. შეიძლება იყოს რამდენიმე ცვლილება და ამისთვის ორი დღე ითხოვა პრემიერობის ახალმა კანდიდატმა. მან თქვა, რომ ის კონსულტაციებით, მათ შორის, მოქმედ პრემიერ-მინისტრ ირაკლი ღარიბაშვილთან ერთად, ჩამოყალიბდება მთავრობის ახალ შემადგენლობაზე", - განაცხადა ეკა ბესელიამ.
საქართველოს პრეზიდენტმა პრემიერ-მინისტრის პოსტზე გიორგი კვირიკაშვილის კანდიდატურას ხელი უკვე მოაწერა. განკარგულება საკანონმდებლო ორგანოს გადაეგზავნა.
