საპარლამენტო უმრავლესობის სხდომა დასრულდა. როგორც ცნობილია უმრავლესობა პრემიერ-მინისტრის პოსტზე პრეზიდენტ გიორგი მარგველაშვილს საგარეო საქმეთა მინისტრის, გიორგი კვირიკაშვილის კანდიდატურას წარუდგენს.
რაც შეეხება პრემიერის მოვალეობის შემსრულებელს ირაკლი ღარიბაშვილს, ამ ეტაპისთვის უცნობია დატოვებს თუ არა იგი ,,ქართული ოცნების“ თავმჯდომარეობასაც.
დახურული სხდომის დასრულების შემდეგ მან ,,ჯი-ეიჩ-ენის“ მიერ რამდენჯერმე დასმულ კითხვაზე, ტოვებს თუ არა ,,ქართული ოცნების“ თავმჯდომერის პოსტს არ უპასუხა.
უმრავლესობის სხდომა დახურულ რეჟიმში მიმდინარეობდა.
მთავრობის უფლებამოსილების შეწყვეტის შემდეგ, საქართველოს პრეზიდენტი შვიდი დღის ვადაში პრემიერ-მინისტრობის კანდიდატად წამოაყენებს საპარლამენტო უმრავლესობის, ხოლო თუ უმრავლესობა შექმნილი არ არის, იმ საპარლამენტო ფრაქციის მიერ წარდგენილ კანდიდატურას, რომელშიც პარლამენტის ყველაზე მეტი წევრია გაერთიანებული.
