მას შემდეგ, რაც ირაკლი ღარიბაშვილმა მთავრობის მეთაურის პოსტი დატოვა, მედიაში არაერთი მოსალოდნელი სამთავრობო ცვლილების შესახებ გავრცელდა ინფორმაცია. საუბრი იყო დავით ნრმანიას გადადგომის შესახებაც, თუმცა დედაქალაქის მერი ამ ინფორმაციას უარყოფს და სამომავლო გეგმებზე საუბრობს. მის უახლოეს გეგმებში კი საკრებულოში მოხსენებით გამოსვლაა. ხვალ დედაქალაქის საკანონმდებლო ორგანომ თბილისის მომავალი წლის მთავარი ფინანსური დოკუმენტი უნდა დაამტკიცოს. კონსულტაციები საკრებულოს წევრებსა და თბილისის მერს შორის გუშინ შედგა. როგორც ნარმანიამ შეხვედრის დასრულების შემდეგ განაცხადა, 2016 წლის ბიუჯეტი უკვე გაწერილია და მასში არსებითი ცვლილებები არ შესულა. თბილისის ბიუჯეტის პროექტთან დაკავშრებით მთელი რიგი შენიშვნები აქვთ ფრაქცია ნაციონალურ მოძრაობაში.
