აპოსტილის კონვენცია საბერძნეთსა და საქართველოს შორის ძალაში შევიდა. ბერძნული მხარის გადაწყვეტილება ქართული დოკუმენტების ლეგალიზაციის რამდენიმე საფეხურიან პროცედურას ამარტივებს. ლეგალიზაციისთვის საჭირო ყველა საფეხური აპოსტილით დამოწმების ერთადერთი მოქმედებით ჩანაცვლდება. დოკუმენტების აპოსტილით დამოწმებისათვის საკმარისი იქნება მხოლოდ ერთი ინსტანციის გავლა. საბერძნეთში ლეგალური სტატუსის არმქონე საქართველოს მოქალაქეებს შეეძლებათ საქართველოს შესაბამისი უწყებების მიერ გაცემული და აპოსტილით დამოწმებული დოკუმენტების წარდგენა საბერძნეთის ოფიციალურ უწყებებში. საბერძნეთსა და საქართველოს შორის აპოსტილის კონვენციის ძალაში შესვლა 2007 წლის შემდეგ ქ. ათენში საქართველოს საელჩოს პრიორიტეტულ და გადაუჭრელ საკითხთა სიაში იყო.
