პარლამენტის ადამიანის უფლებათა დაცვის კომიტეტის თავმჯდომარე ეკა ბესელია აცხადებს, რომ ის შეწყალების კომისიასთან დაკავშირებით, საკანონმდებლო ორგანოში დროებითი საგამოძიებო კომისიის შექმნის წინააღმდეგი არ არის.
როგორც დღეს გამართულ პრესკონფერენციაზე ბესელიამ განაცხადა, ის პროკურატურის დასკვნას ელოდება.
„მგონი, ორი კვირა აბსოლიტურად ბუნებრივი დროა, რომ პროკურატურამ იმუშაოს და ერთ კვირაში დადებული დასკვნა კითხვებს გააჩენდა. გამოძიების დასრულებას ველოდებით. პირადად მე მზად ვარ, ნებისმიერ ფორმატში ამ საქმეს ბოლომდე მივყვე და რაიმე ფორმატზე პრობლემა არ მაქვს. არაფრის საწინააღმდეგო არ მაქვს“, - აცხადებს ბესელია.
კანონმდებელი ელისაშვილს მოუწოდებს - „ნუ ეშინია, კორუფციასთან მებრძოლ ვაჟკაცს ორ ქალბატონთან პირდაპირ ეთერში დაჯდომა“.
ალეკო ელისაშვილი პარლამენტს მოუწოდებს დეპუტატების მიერ შეწყალების კომისიაში გაგზავნილ მესიჯებთან დაკავშირებით, დროებითი საგამოძიებო კომისია შექმნას.
