პარლამენტის ვიცე-სპიკერი ზვიად ძიძიგური პრემიერ-მინისტრის, ირაკლი ღარიბაშვილის პოსტიდან შესაძლო წასვლის თაობაზე გავრცელებულ ინფორმაციას არ ადასტურებს.
როგორც ჟურნალისტებს ძიძიგურმა განუცხადა, მსგავსი ტიპის ინფორმაცია კოალიციის საბჭოში არ არის.
მისი ცნობით, კოალიცია წყვეტს, პრემიერ-მინისტრი ვინ უნდა იყოს, ხოლო მას პოსტზე პარლამენტი ამტკიცებს.
„ამ თემაზე კომენტარს წლის ბოლოს გავაკეთებ. ხალხო, რა არის, რა ინფორმაციები ვრცელდება და თან რის საფუძველზე? - რა თქმა უნდა, ამ ინფორმაციას არ ვადასტურებ. სჯობს, ნაკლები ჭორაობა და მეტი საქმე“, - დასძინა ძიძიგურმა.
მედიაში გავრცელებული ინფორმაციით, ირაკლი ღარიბაშვილმა შესაძლოა, პრემიერის პოსტი დატოვოს.
