რუსული ვიზების გაცემის გამარტივებას გამოეხმაურა პრეზიდენტის მრჩეველი. ფიქრია ჩიხრაძე ფიქრობს, რომ ამ გადაწყვეტილებამ ილუზიები არ უნდა შეუქმნას მოქალაქეებს პოზიტიურ ძვრებზე.
მისი თქმით, საქართველოსთვის კვლავაც პრინციპულ და პრობლემურ საკითხებად რჩება ოკუპირებული ტერიტორიები. ის ასევე განმარტავს, რომ სავიზო რეჟიმის გამარტივება ვერ შეცვლის სახელმწიფოებრივ ინტერესებს.
"სავიზო რეჟიმი შესაძლოა არის შემარბილებელი, კარგი ზომა, ამ შემთხვევაში ჩვენი მოქალაქეებისათვის, მაგრამ, ეს არ ნიშნავს, რომ სახელმწიფო ინტერესები ამის გამო უკანა პლანზე იყოს გადაწეული," - აღნიშნა ფიქრია ჩიხრაძემ.
შეგახსენებთ, რომ რუსეთი საქართველოს მოქალაქეებისთვის ვიზის აღების წესი გაამარტივა. ლავროვის უწყება საქართველოსთვის უვიზო რეჟიმის დაწესებასაც არ გამორიცხავს.
