რუსეთი საქართველოს მოქალაქეებისთვის ვიზის აღების წესებს დღეიდან ამარტივებს. ინფორმაცია რუსეთის საგარეო საქმეთა სამინისტრომ გაავრცელა. ლავროვის უწყება საქართველოსთვის უვიზო რეჟიმის დაწესებასაც არ გამორიცხავს. ზურაბ აბაშიძე რუსეთის ფედერაციის ამ გადაწყვეტილებას სწორ ნაბიჯს უწოდებს, და ევროპასთან ვიზალიბერლიზაციას არ უკავშირებს, რადგან ამბობს, რომ ამაზე საუბარი დიდი ხნის განმავლობაში მიმდინარეობდა. რუსეთთან დიპლომატიური ურთიერთობების არარსებობის ფონზე საპარლამენტო უმრავლესობა გადაწყვეტილებას დადებითად აფასებს. მმართველი გუნდის დეპუტატების განცხადებით, ვიზა-ლიბერალიზაციის საკითხი მნიშვნელოვანია როგორც ევროპასთან, ისე რუსეთის ფედერაციასთან. ნაციონალურ მოძრაობაში კი აცხადებენ, რომ ეს რუსეთის მორიგი სატყუარაა.
