შეწყალების კომისიის ყოფილი თავმჯდომარე ალეკო ელისაშვილი პარლამენტის წევრების ეკა ბესელიას, მანანა კობახიძისა და მთავარი პროკურორის მოადგილის გიორგი გოგაძისთვის უფლებამოსილების შეჩერებასს ითხოვს.
კურიერისთვის მიცემულ ინტერვიუში ელისაშვილი პარლამენტში დროებითი საგამოძიებო კომისიის შექმნასაც მოითხოვს.
"მოვითხოვ, ეკა ბესელიას საპროკურორო საბჭოს წევრობა შეუჩერდეს. ასევე შეუჩერდეს უფლებამოსილება მთავარი პროკურორის მოადგილეს, გიორგი გოგაძეს. ასევე მოვითხოვ, ვიცე-სპიკერის უფლებამოსილება შეუჩერდეს მანანა კობახიძეს," - აცხადებს ალეკო ელისაშვილი.
შეგახსენებთ, რომ შეწყალების სკანდალური საქმე გრძელდება. ალეკო ელისაშვილმა რამდენიმე წუთის წინ სკანდალური განცხადება გააკეთა, იუწტება რუსთავი 2.
"მე არ ვაპირებ ჩვენების გასაჯაროებას. ეკა ბესელიას და მანანა კობახიძეს არაჯანსაღი, დაჟინებული და კატეგორიული ინტერესი ჰქონდათ მხოლოდ და მხოლოდ
კოკაინის საქმეზე მსჯავრდებული პირების შეწყალებასთან დაკავშირებით. მათ არ აინტერესებდათ სხვა მსჯავრდებულები. მირეკავდნენ, მესიჯებს მიგზავნიდნენ. იყო ინფორმაცია, რომ ამ არაჯანსაღი და დაჟინებული ინტერესების მიმართ სხვა ანგარება და დაინტერესებაც იყო," - ამბობს ელისაშვილი.
რაც შეეხება იმას, თუ საიდან იცის ბესელია-კობახიძის ამ საქმეში ფულადი დაინტერესების შესახებ, ამბობს, რომ ეს ინფორმაცია მას წყარომ მიაწოდა და მისი ვინაობის დასახელებას არ აპირებს.
"მე ვარ დარწმუნებული, რომ მასზე ზეწოლა მოხდება. ჩემი წყარო ახლა სხვა თანამდებობას იკავებს, მაშინ სხვა თანამდებობა ეკავა. მე ინფორმაციის წყაროს არ დავასახელებ. პარლამენტში უნდა შეიქმნას საპარლამენტო საგამოძიებო კომისია," - აცხადებს ელისაშვილი.
შეწყალების კომისიის ყოფილი თავმჯდომარე ალეკო ელისაშვილს პრეტენზია ქონდა გამოძიებასთან. ელისაშვილი აცხადებდა, რომ პროკურატურა მხოლოდ მისი მტკიცებულებების იმედზეა.
მოგვიანებით, ალეკო ელისაშვილმა პროკურტურაში მაგთიკომიდან ამოღებული მასალები წარადგინა, სადაც მისი თქმით, კონკრეტული მაღალჩინოსნების გაგზავნილი სატელეფონო შეტყობინებებია ასახული.
“ამონაწერი არის ოფიციალური მტკიცებულება, რომელიც ადასტურებს, შემოვიდა თუ არა ჩემთან იმ პოლიტიკოსისგან მესიჯები. მე არ მეზარება პროკურატურაში სიარული და რამდენჯერაც საჭირო იქნება მივალ, მაგრამ გამოდის, რომ პროკურატურა არის მარტო ჩემი მტკიცებულებების იმედად. თურმე ამ ხალხს, აქ რომ სხედან, ამ უსაქმურებს, იმიტომ ვუხდით ხელფასს, რომ ელისაშვილმა მოუტანოს მტკიცებულებები? ", - განაცხადა ელისაშვილმა.
მისივე თქმით, არ თვლის საჭიროდ დაასახელოს პიროვნება, რომელმაც მაღალჩინოსნების მიერ შეწყალების საქმეზე 200 000 ლარის მიღების შესახებ მიაწოდა ინფორმაცია.
საქმის გამოძიება ზეგალვენით ვაჭრობის ფაქტზე მიმდინარეობს. ელისაშვილი ირწმუნება, რომ მას პოლიტიკოსები ზეწოლის შემცველ მესიჯებს უგზავნიდნენ კონკრეტული მსჯავრდებულების კრიტერიუმების გარეშე განილვის მოთხოვნით.
