კიევის ყოფილი მერის ლეონიდ ჩერნოვეცკის მიერ დაფუძნებული პოლიტიკური პარტიის "ბედნიერი საქართველოს" საზოგადოებასთან და მედიასთან ურთიერთობის ხელმძღვანელად სალომე წერეთელი დაინიშნა. ამის შესახებ ინფორმაციას სალომე წერეთელი ,,ფეისბუქით“ ავრცელებს.
„ძვირფასო ჩემო მეგობრებო, ჟურნალისტებო და არა მარტო,ჩემი არა ერთ წლიანი საქმიანობა შინაგან საქმეთა სამინისტროს საზოგადოებასთან ურთიერთობის სამსახურში დასრულდა.ჩემთვის დიდი პატივი იყო უმაგრეს გუნდთან ერთად მუშაობა და უდიდესი გამოცდილების მომტანიც,რომლის წევრებიც ახლანდელიც და ყოფილიც საოცარი პროფესიონალები არიან.ვამაყობ რომ ამ ერთ-ერთ ყველაზე ძლიერ სტრუქტურაში ვიმუშავე, სადაც ბევრი გმირობის და კეთილშობილების მაგალითი ვნახე... ახლა კი დაიწყო ჩემი ცხოვრების ახალი და ძალიან საინტერესო ეტაპი...ვიწყებ მუშაობას ლეონიდ ჩერნოვეცკის მიერ დაფუძნებული პოლიტიკური პარტიის "ბედნიერი საქართველოს" საზოგადოებასთან და მედიასთან ურთიერთობის მიმართულების ხელმძღვანელად... ისეთივე შემართებით როგორც მჩვევია და ისეთივე ენერგიით.მადლობა ყურადღებისთვის“, - წერს სალომე წერეთელი სოციალურ ქსელში.
