ოპოზიციონერი დეპუტატის, გოკა გაბაშვილის ცნობით, მარჯვენასაჭიანი მანქანები აღარ იყიდება და ამ სფეროში დასაქმებული ადამიანები ბიზნესს კარგავენ.
გოკა გაბაშვილი დღეს, ავტოდილერებს შეხვდა.
როგორც შეხვედრის შემდეგ გაბაშვილმა განაცხადა, მთავრობის გადაწყვეტილებით ზარალდებიან მომხმარებელები, რადგან მარჯვენასაჭიან მანქანებს ძირითადად დაბალი ფასის გამო ყიდულობენ.
მისი თქმით, უმცირესობას კონსულტაციები იურისტებთან აქვს.
„კონსულტაციები გვექნება პარლამენტში და იმედი გვაქვს, რომ აღნიშნული გადაწყვეტილება არ ამოქმედდება”, - დასძინა გაბაშვილმა.
თავის მხრივ, ავტოდოლერებმა განაცხადეს, რომ აღნიშნული გადაწყვეტილების გამოცხადებისთანავე, მათთვის ზიანი დადგა, რადგან მომხმარებელი ასეთი მანქანების შეძენას უკვე თავს არიდებს.
შეგახსენებთ, რომ პარლამენტში ინიცირებული პროექტით, 2016 წლის 1-ლი მარტიდან მარჯვენასაჭიანი ავტომობილების და საჭეგადატანილი მანქანების რეგისტრაცია აიკრძალება.
