,,მოსკოვი საქართველოს მოქმედი ხელისუფლებისგან "სიგნალებს ხედავს" და მზად არის, ეს სიგნალები მიიღოს”, - განაცხადა ყოველწლიურ პრესკონფერენციაზე რუსეთის პრეზიდენტმა "მაესტროს" ჟურნალისტის შეკითხვაზე, რომელიც რუსეთ-საქართველოს ურთიერთობის პერსპექტივებს შეეხებოდა. ვლადიმერ პუტინის განცხადებით, 2008 წლის მოვლენების ინიციატორი რუსეთი არ ყოფილა და მზად არის საქართველოსთან ურთიერთობა აღადგინოს.
"რაც შეეხება 2008 წლის მოვლენებს და ჩვენი ურთიერთობის დეგრადირებას, ჩვენ ამაზე ბევრი გვისაუბრია. ურთიერთობის გამწვავების მიზეზი ჩვენ არ ვყოფილვართ", - განაცხადა პუტინმა.
მისივე თქმით, საქართველოს ტერიტორიული მთლიანობის საკითხი აფხაზი, ოსი და ქართველი ხალხის საქმეა.
"რაც შეეხება საქართველოს ტერიტორიულ მთლიანობას, ეს პირველ რიგში ქართველი, აფხაზი და ოსი ხალხის საქმეა, მათთგან უნად იმუშავოთ. ჩვენ ნებისმიერ გადაწყვეტილებას მივიღებთ", -განაცხადა პუტინმა.
პუტინმა ასევე აღნიშნა, რომ ქართული ღვინის საექსპორტო მოცულობის 2/3 სწორედ რუსულ ბაზარზე გადის და ,,ეკონომიკური კრიზისის მიუხედავად, ეს მოცულობა ზრდის მაღალ ტემპებს აჩვენებს’’.
"რაც შეეხება სავიზო რეჟიმს, ჩვენ ვფიქრობთ და ჩვენ მზად ვართ, სავიზო რეჟიმი გავაუქმოთ", - დასძინა პუტინმა.
