ზიზღის და ტალახის სროლაში ჩვენი ადგილი არ იქნება, - ამის შესახებ "თავისუფალი დემოკრატების" ლიდერმა ირაკლი ალასანიამ პარტიის კრწანისის რაიონული ორგანიზაციის ყრილობაზე სიტყვით გამოსვლისას განაცხადა.
მისი განცხადებით, ქვეყანაში ზიზღისა და ტალახის სროლა დაწყებულია და არჩევნების მოახლოებასთან ერთად, პიკს მიაღწევს.
,,ჩვენ მხოლოდ და მხოლოდ ერთი ამოცანა გვაქვს საზოგადოებასთან დისკუსიის გზით დავუდასტუროთ მას, რომ ჩვენ უკეთესად შეგვიძლია მათი პრობლემების მოგვარება. ზიზღის და ტალახის სროლა დაიწყო, გააქტიურდება და პიკს მიაღწევს რაც უფრო მივუახლოვდებით არჩევნებს, მაგრამ ჩვენი ადგილი ამ ამბავში არ იქნება. ჩვენ ვიქნებით პროფესიონალები, საქმიანები და ჩვენ გამოვალთ შეთავაზებებით არა მხოლოდ პრობლემების ჩამონათვლით და სწორედ ამაშია ჩვენი ძალა", - განაცხადა ალასანიამ.
მისივე თქმით, რთული იქნება ხალხის ნდობის მოპოვება პოლიტიკოსების მიერ, ამიტომ პარტია მოსახლეობაში გასვლას და მათი პრობლემების მოსმენას გეგმავს.
