პარლამენტის იურიდიულ საკითხთა კომიტეტის სხდომაზე საარჩევნო ოლქების გადანაწილების სისტემაზე მსჯელობენ.
დეპუტატებს „საარჩევნო კოდექსში“ შესატან ცვლილებებს ვიცე-სპიკერი ზვიად ძიძიგური აცნობს.
მისი განმარტებით, საზღვრების შეცვლა საკონსტიტუციო სასამართლოს გადაწყვეტილებას უკავშირდება, რომელმაც საარჩევნო ოლქების გათანაბრების თაობაზე გადაწყვეტილება გამოიტანა.
სხდომას პარტია „ქართული ოცნების“ აღმასრულებელი მდივანი ირაკლი კობახიძეც ესწრება.
კანონმდებლები ცვლილებებზე მეორე მოსმენით მუხლობრივად მსჯელობენ.
რაც შეეხება ცვლილებებს, თბილისში, 10 მაჟორიტარული ოლქის ნაცვლად, 18 მაჟორიტარული ოლქი შეიქმნება, ხოლო საქართველოს დანარჩენ რაიონებში, მუნიციპალიტეტების გაერთიანების ან პირიქით, გაყოფის გზით, 42 მაჟორიტარული საარჩევნო ოლქი იქნება.