17 დეკემბერს, 09:30 საათზე, ეროვნული სივრცითი მონაცემების ინფრასტრუქტურის შექმნასა და განვითარებასთან დაკავშირებით წლის შემაჯამებელი კონფერენცია გაიმართება. ღონისძიების ორგანიზატორი იუსტიციის სამინისტროს საჯარო რეესტრის ეროვნული სააგენტოა.
ღონისძიებას დაესწრება საჯარო რეესტრის თავმჯდომარე პაპუნა უგრეხელიძე, შინაგან საქმეთა სამინისტროს, ეკონომიკისა და მდგრადი განვითარების, სოფლის მეურნეობის, ენერგეტიკის, საგარეო საქმეთა, გარემოსა და ბუნებრივი რესურსების დაცვის, კულტურისა და ძეგლთა დაცვის, სპორტისა და ახალგაზრდულ საქმეთა, განათლებისა და მეცნიერების სამინისტორების, სტატისტიკის ეროვნული სამსახურისა და თბილისის მერიის წარმომადგენლები.