პარტია „ქართული ოცნების“ აღმასრულებელი მდივანი ირაკლი კობახიძე ფიქრობს, რომ „საარჩევნო კოდექსი“, რომელიც საარევცნო ოლქების გადანაწილებას ეხება, პარლამენტში მეორე მოსმენით განხილვის დროს გადაიხედება.
საარჩევნო ოლქების გადანაწილებასთან დაკავშირებით, ირაკლი კობახიძე დღეს, ფრაქცია „ქართული ოცნების“ თავმჯდომარეს, გია ვოლსკისა და იურიდიულ საკითხთა კომიტეტის თავმჯდომარეს, ვახტანგ ხმალაძეს შეხვდა.
კობახიძის განცხადებით, გარკვეული კითხვის ნიშნები არსებობს იმასთან დაკავშირებით, რომ არსებული ვარიანტი შეიძლება საკონსტიტუციო სასამართლოს გადაწყვეტილებას არ შეესაბამისებოდეს.
„ჩვენი ამოცანაა, რომ ყველა კითხვის ნიშანი მოვხსნათ. ამ კუთხით კანონპროექტი გადაისინჯება“, - დასძინა კობახიძემ.
ცვლილებებით, უმრავლესობის მიერ წარდგენილი პროექტით, თბილისში, 10 მაჟორიტარული ოლქის ნაცვლად, 18 მაჟორიტარული ოლქი შეიქმნება, ხოლო საქართველოს დანარჩენ რაიონებში, მუნიციპალიტეტების გაერთიანების ან პირიქით, გაყოფის გზით, 42 მაჟორიტარული საარჩევნო ოლქი შეიქმნება.
