თბილისში კორეის რესპუბლიკის საელჩოს წარმომადგენლობის გახსნასთან დაკავშირებით საზეიმო მიღება გაიმართა. მიწვეულ სტუმრებს სიტყვით ახლადდანიშნულმა ელჩმა კიმ ჩან გიუმ მიმართა. სტუმრებს ასევე სიტყვით მიმართა საქართველოს საგარეო საქმეთა მინისტრმა. გიორგი კვირიკაშვილმა ხაზი გაუსვა საქართველოსა და კორეის რესპუბლიკას შორის არსებულ მეგობრულ და მჭიდრო პარტნიორულ ურთიერთობებს. მისივე თქმით, უკანასკნელი წლების განმავლობაში საქართველოსა და კორეის რესპუბლიკას შორის ორმხრივი ვაჭრობის მზარდი ტენდენცია გაჩნდა.
