ვიზალიბერალიზაციასთან დაკავშირებით აშშ საქართველოს მტკიცე მხარდაჭერას უცხადებს. ამის შესახებ აშშ ელჩმა საქართველოში იან კელიმ განაცხადა. მისივე თქმით, ეს ყველაფერი ტექნიკური დავალებების შესრულებაზე იქნება დამოკიდებული. “ეს არის ძალიან მნიშვნელოვანი პერიოდი საქართველოსთვის,”- აღნიშნა კელიმ. კომენტარი აშშ ელჩმა დიდი ბრიტანეთის საელჩოში გამართულ მიღებაზე გააკეთა.
