ისრაელში სამუშაო ვიზიტით მყოფი "თავისუფალი დემოკრატების" ლიდერი ირაკლი ალასანია და პარტიის ეკონომიკური ჯგუფის ხელმძღვანელი ვასილ რევიშვილი Danbar Group-ის წარმომადგენლებს შეხვდნენ.
"თავისუფალი დემოკრატების" ინფორმაციით, შეხვედრაზე საქართველოში სოფლის მეურნეობის განვითარების პერსპექტივებზე ისაუბრეს. მხარეებმა საქართველოში სასოფლო სამეურნეო მიწების პროდუქტიულობის გაზრდაზე, თანამედროვე ტექნოლოგიების, ახალი სისტემების დანერგვაზე იმსჯელეს და ისრაელის გამოცდილების ქართულ რეალობაში იმპლიმენტაციაზე შეჯერდნენ. აღინიშნა, რომ საქართველოს, როგორც ნაყოფიერი მიწის და წყლის რესურსების ქვეყანას, აქვს დიდი შანსი, სოფლის მეურნეობის წარმოების კუთხით გახდეს, რეგიონში წარმატებული სახელმწიფო.
"თავისუფალი დემოკრატების" ლიდერი ირაკლი ალასანია და პარტიის ეკონომიკური ჯგუფის ხელმძღვანელი ვასილ რევიშვილი Danbar Group-ის წარმომადგენლებთან სოფლის მეურნეობის სტრატეგიის შემუშავებაში თანამშრობლობაზე შეთანხმდნენ.
