„თავისუფალი დემოკრატების“ ლიდერი ირაკლი ალასანია და პარტიის ეკონომიკური ჯგუფის ხელმძღვანელი ვასილ რევიშვილი თელ–ავივის უნივერსიტეტის ბიზნესის სკოლის დირექტორს, უდი აჰარონის შეხვდნენ.
შეხვედრაზე, მხარეებმა ისაუბრეს საქართველოში ინოვაციური ეკო–სისტემის შექმნის პერსპექტივებზე და ისრაელის გამოცდილების გაზიარებაზე ამ მიმართულებით. „თავისუფალი დემოკრატების“ ლიდერი ირაკლი ალასანია და პარტიის ეკონომიკური ჯგუფის ხელმძღვანელი ვასილ რევიშვილი, ებრაელ კოლეგასთან თანამშრომლობის დღის წესრიგზე შეთანხმდნენ. ბატონი აჰარონი, უახლოეს პერიოდში ეწვევა საქართველოს. „თავისუფალი დემოკრატების“ ინიციატივით, დაიწყება ქართული ბაზრის ინტენსიური შესწავლა ინოვაციების დანერგვის კუთხით. უდი აჰარონი მსოფლიო მაშტაბის წამყვანი აკადემიური მკვლევარია ‘’start-up’’-ის, ბიზნესის დაწყებისა და განვითარების სფეროში. ვიზიტის ფარგლებში „თავისუფალი დემოკრატების“ ლიდერებმა, ირაკლი ალასანიამ და ვასილ რევიშვილმა, ასევე შეხვედრა გამართეს „Danbar Group“ –ის წარმომადგენლებთან. შეხვედრაზე ისაუბრეს საქართველოში სოფლის მეურნეობის განვითარების პერსპექტივებზე. სამუშაო შეხვედრაზე, მხარეებმა იმსჯელეს საქართველოში სასოფლო სამეურნეო მიწების პროდუქტიულობის გაზრდაზე, თანამედროვე ტექნოლოგიების და ახალი სისტემების დანერგვაზე და შეჯერდნენ ისრაელის გამოცდილების ქართულ რეალობაში იმპლიმენტაციაზე. საქართველოს, როგორც ნაყოფიერი მიწის და წყლის რესურსების ქვეყანას, აქვს დიდი შანსი, სოფლის მეურნეობის წარმოების კუთხით გახდეს, რეგიონში წარმატებული სახელმწიფო. „თავისუფალი დემოკრატების“ ლიდერი ირაკლი ალასანია და პარტიის ეკონომიკური ჯგუფის ხელმძღვანელი ვასილ რევიშვილი „Danbar Group“ –ის წარმომადგენლებთან სოფლის მეურნეობის სტრატეგიის შემუშავებაში თანამშრობლობაზე შეთანხმდნენ.
