შინაგან საქმეთა მინისტრის მოადგილე შალვა ხუციშვილი აცხადებს, რომ „საგზაო მოძრაობის შესახებ“ კანონპროექტის ამოქმედების ვადები საპარლამენტო განხილვებზეა დამოკიდებული.
როგორც ჟურნალისტებს ხუციშვილმა განუცხადა, ცვლილებები ძალაში 2016 წლის მარტიდან უნდა შესულიყო, თუმცა, ეს თარიღი შესაძლოა შეიცვალოს.
„საკითხი მთავრობაში ნოემბერში შევიდა, გარკვეული დრო პროცედურებმა წაიღო. ჩვენი შეთავაზება იყო მარტი, თუმცა, საბოლოოდ მისი მიღება დამოკიდებულია საპარლამენტო განხილვებზე“, - დასძინა ხუციშვილმა.
პარლამნეტს აღნიშნული ცვლილებები გუშინ წარედგინა, სადაც გაწერილია სისტემა, თუ როგორ მოხდება მართვის მოწმობაზე მინიჭებული 100 ქულის შემცირება.
