"ერთიანი ნაციონალური მოძრაობის" დეპუტატი ნუგზარ წიკლაური საქართველოს მასშტაბით არსებულ კორუფციულ სქემებზე საუბრობს. მისი თქმით,
ენმ-მ სისტემური კორუფციის არაერთი ფაქტი გამოვლინდა, რომელთაც რეგულარული ხასიათი აქვს.
"როგორც მოგეხსენებათ, "ერთიანი ნაციონალური მოძრაობა" განაგრძობს საქართველოს ყველა რეგიონში სისტემური კორუფციული ფაქტების შესწავლას. შედეგად, როგორც თბილისში, ასევე რეგიონებში მავნებლობის, დატაცების, სისტემური კორუფციის არაერთი ფაქტი გამოვლინდა, რომელთაც რეგულარული ხასიათი აქვს.
დღეს მინდა რაჭასა და ამბროლაურში მიმდინარე პროცესებს გამოვეხმაურო. აქაც, ისევე როგორც სხვაგან, ტენდერების ნათესავებისთვის მიცემა ხდება, რომელიც შემდეგ არ სრულდება და თანხებს იტაცებენ.
დაახლოებით 1 მილიონამდე თანხა ისეა აქ გახარჯული, რომ არცერთი პროექტი არაა დასრულებული, ზოგიერთი მათგანი კი დაწყებულიც არაა”, - აცხადებს წიკლაური და დასძენს, რომ მიმდინარე კვირას, ენმ საქართველოს პარლამენტში ანტიკორუფციული კომისიის შექმნას და იმ ფაქტების გამოძიებას მოითხოვს, რომელიც ხელთ აქვთ.
