მცდელობა იმისა, რომ მიისაკუთრონ სხვისი იდეები, პოლიტიკაში ცუდი ტონია – ასე აფასებენ არასაპარლამენტო ოპოზიციის წარმოამდგენლები საარჩევნო კოდექსში შესატანი ცვლილებების თაობაზე ახალი პოლიტიკური ცენტრის ინიციატიავს. გიორგი ახველდიანი “გირჩის” წინადადებას არ იზიარებს და მიიჩნევს, რომ ინტერპარტიული ჯგუფის მიერ შეთავაზებული ინიციატივა მაჟორიტარული წესის გაუქმებასთან დაკავშირებით გაცილებით ეფექტურია და ის საარჩევნო სისტემის გაუმჯობესებას შეუწყობს ხელს. პოლიტიკურმა ცენტრმა “გირჩმა” ალტერნატიული პროექტი პარლამენტში უკვე წარადგინა. ინიციტიავში საუბარია მაჟორიტარული მანდატების განაწილების ახალ მოდელზე, რომლის მიხედვითაც, რაიონები და ქალაქები ამომრჩევლების რაოდენობის შესაბამისად 2, 3 და 4-მანდატიან ოლქებად დაიყოფა. საკანონმდებლო წინადადების თანახმად, საზღვარგარეთ მცხოვრებ საქართველოს მოქალაქეებს პარლამენტში ერთი წარმომადგენელი ეყოლებათ.
