"იმ შემთხვევისთვის თუ ვინმეს ჰქონდა სურვილი მხარი დაეჭირა ჩვენი რეზოლუციისთვის, თქვენი მხრიდან პირდაპირ იყო მითითება, რომ ეს არ გაეკეთებინათ" - ასე მიმართა ხათუნა გოგორიშვილმა პარლამენტის თავმჯდომარე დავით უსუფაშვილს, ტელეკომპანია „რუსთავი 2“-ისადმი სოლიდარობის აქციის დროს დაკავებული პირებისათვის აღმკვეთი ღონისძიების არასაპატიმრო ღონისძიებით შეცვლის თაობაზე რეზოლუციის გაცნობის შემდეგ.
"არც მირიან დეისაძე, არც ნიკა ნარსია და კახა გაბუნია არასდროს არ ყოფილან სისხლის სამართლის დევნის ქვეშ. ეს პირველი შემთხვევაა, თუმცა მათ მიმართ ადმინისტრაციული წარმოება იყო, რადგან ისინი ოკუპაციას აპროტესტებდნენ და საპროტესტო აქციაში მიიღეს მონაწილეობა. იმედია ამაში ვერავინ ცუდს ვერ დაინახავს. სასამართლოში მთავარ არგუმენტად წინასწარი პატიმრობის შეფარდებისას რატომ უნდა იყოს გამოყენებული ის, რომ დეისაძე შეიძლება მიიმალოს, რადგან მის ბიოგრაფიაში არის ფაქტი, რომ ის ხანგრძლივად იმყოფებოდა უცხოეთში. დიახ ის იმყოფებოდა, როცა 2 წელი ერაყში საქართველოს ფორმირებაში მსახურობდა. ეს იყო მოსამართლე ბარბაქაძის არგუმენტი, რომელიც შემდეგ იუსტიციის საბჭომ ზარზეიმით დააწინაურა.ასევე, მინდა მივმართო ჩემს კოლეგებს უმრავლესობიდან, დავივიწყოთ პარტიულობა, აქ 3 ახალგაზრდაზეა საუაბრი, რომლებიც დიდი ხანია გაუგებარი მიზეზით სასჯელს იხდიან. რატომღაც მქონდა ილუზია, რომ ამაზე თქვენთან საუაბრი ღირდა, რომ დავით ლორთქიფანიძე წუხდა თავისი 200-ლარიანი პიჯაკისა და 70-ლარიანი სათვალის გამო 3 ახალგაზრდა ციხეში ზის, მეგონა, რომ ის როგორც შვილების მამა ამაზე წუხდა. თუმცა როგორც ჩანს არათუ წუხს, არამედ ბედნიერია. რადგან ამით თავი მოაწონა იმ ადამიანს, ვინც გადაწყვეტილებებს იღებს", - განაცხადა გოგორიშვილმა.
